’ಅಭೀಪ್ಸೆ’ ಕಾದಂಬರಿ ಕುರಿತು..

ನಾಂದಿ ಅದು ಕಲ್ಗುಡಿ ಎಂಬ ಊರಿಗೆ ಹೊಂದಿಕೊಂಡಂತಿದ್ದ ಕಾಡಿನಲ್ಲಿರುವ ಒಂಟಿ ಮನೆ. ಗಾಢ ಕತ್ತಲಿದ್ದ ಆ ಮಧ್ಯರಾತ್ರಿಯ ಹೊತ್ತಿನಲ್ಲಿ ಮನೆಯ ಮುಂದಿನ ಕಟ್ಟೆಯ ಮೇಲೆ ಧ್ಯಾನಸ್ಥ ಸ್ಥಿತಿಯಲ್ಲಿ ಕುಳಿತಿದ್ದ ವಿಶ್ವಾಮಿತ್ರರು ಎದ್ದು ಮನೆಯೊಳಗೆ ನಡೆದಾಗ, ಅವರ ಸಾನಿಧ್ಯದಲ್ಲಿ ಕುಳಿತಿದ್ದ ಅವರ ಮಡದಿಗೆ ಅಚ್ಚರಿಯಾಯಿತು. ಎಂದೂ ಇಷ್ಟು ಬೇಗ ಧ್ಯಾನದಿಂದ ಎದ್ದವರಲ್ಲ. ಅವರೂ ಎದ್ದು ಒಳಗೆ ಹೋದಾಗ, ವಿಶ್ವಾಮಿತ್ರರು ಮಿಣುಕು ದೀಪ ಹಿಡಿದುಕೊಂಡು ತಮ್ಮ ಗ್ರಂಥ ಭಂಡಾರದಿಂದ ಒಂದು ಪುಟ್ಟ ಪುಸ್ತಕವನ್ನು ತೆಗೆದುಕೊಂಡು ಏನನ್ನೋ ಹುಡುಕುತ್ತಿರುವುದನ್ನು ಕಂಡರು. ಅವರ…

Continue reading →

ಶಂಕರದೇವ ಮತ್ತು ಅಸ್ಸಾಮಿನ ಭಕ್ತಿ ಕ್ರಾಂತಿ

ಯಾವುದೇ ಧಾರ್ಮಿಕ ಪಂಥವಾಗಲಿ, ಅದು ಕಾಲಕ್ರಮೇಣ ತನ್ನ ಮೂಲ ಸತ್ವವನ್ನು ಕಳೆದುಕೊಂಡು ಕರ್ಮಠವಾಗುತ್ತ ಹೋಗುತ್ತದೆ. ಧಾರ್ಮಿಕ ಪಂಥಗಳು ಭಕ್ತ ಮತ್ತು ಭಗವಂತನ ನಡುವೆ ಬಂಧವನ್ನು ಹುಟ್ಟುಹಾಕಲು ಮಾರ್ಗಗಳಾಗಿವೆ. ಪ್ರತಿಯೊಂದು ಪಂಥವೂ ತನ್ನದೇ ಆದ ಮಾರ್ಗ ಮತ್ತು ಆಚರಣೆಗಳನ್ನು ಅನುಸರಿಸುತ್ತದೆ. ಕರ್ಮಠವಾಗುವುದು ಎಂದರೆ, ಭಕ್ತ-ಭಗವಂತನ ಬಂಧಕ್ಕಿಂತ ಮಾರ್ಗಗಳು ಮತ್ತು ಆಚರಣೆಗಳೇ ಪ್ರಮುಖವಾಗಿ ಹೋಗುವುದು. ಹೀಗಾದಾಗ, ಮೂಲ ಗುರಿ ಮರೆತುಹೋಗುತ್ತದೆ. ಆಗಾಗ, ಆ ಕರ್ಮಠತೆಯನ್ನು ಕಳೆಯುವ ಮತ್ತು ಹೊಸ ಮಾರ್ಗ ಸೂಚಿಸುವ ಧಾರ್ಮಿಕ ಮಾರ್ಗದರ್ಶಿಗಳು ಎಲ್ಲಾ ಧರ್ಮದಲ್ಲಿಯೂ ಬೇಕು. ಮಧ್ಯಕಾಲೀನ…

Continue reading →

ಸುಳಿಗಾಳಿ

ನಿನಗಿನ್ನೂ ನೆನಪಿದೆಯೇ, ಪಶ್ಚಿಮರಶ್ಮಿ ಸುರಿದಿದ್ದ ನೀಲಗಿರಿಗಳ ದಾರಿಯಲ್ಲಿ ನಡೆಯುತ್ತಿದ್ದ ನಾವು ಒಮ್ಮೆಲೇ ನಿಂತರೆ, ಇದ್ದಕ್ಕಿದ್ದಂತೆ ಎದ್ದ ಸುಳಿಗಾಳಿಯೊಂದು ನಮ್ಮೆದುರೇ ದಾಟಿ ಹೋಗಿದ್ದು? ಎರೆಡು ಹೆಜ್ಜೆಗಳು ಮುಂದಿಟ್ಟಿದ್ದರೆ ನಮ್ಮನ್ನೂ ಸುತ್ತಿಸಿಕೊಂಡು ಹೋಗುತ್ತಿತ್ತು ಎಂದು ನಕ್ಕಿದ್ದು? ಸುಳಿಗಾಳಿ ಹೀಗೆ ಸುಳಿವಾಗ ಮಿಡತೆಗಳು ಸಿಡಿದೋಡುತ್ತವೆ, ಇರುವೆಗಳು ನೆಲವನ್ನಪ್ಪುತ್ತವೆ, ಎಲೆಗಳು ಪಟಪಟಿಸಿ, ಹಸಿರಲ್ಲಿ ಗವಿಯುತ್ತಿದ್ದ ಹುಲ್ಲು ಹೂಗಳ ಗಂಧ ಮೋಡಗಳ ಕಡೆ ಮುಖ ಮಾಡುತ್ತದೆ. ನೋಡನೋಡುತ್ತಲೇ, ಬಯಲ ಸುಳಿಗಾಳಿ ಬೇಲಿಯಂಚಿನಲ್ಲಿ ಮರೆಯಾಗುತ್ತದೆ. ಏನು ಗಾಳಿಯ ಈ ಅವತಾರ? ಏನು ಈ ಲೀಲೆ? ಒಮ್ಮೆಮ್ಮೆ…

Continue reading →

ನಿಶ್ಚಲ ತಾರೆ ನೀನು

ಎಲ್ಲ ಬೆಳಕು ಕಳೆದ ಮೇಲೂ ಉಳಿಯುವ ನಿಶ್ಚಲ ತಾರೆ ನೀನು, ನಿನ್ನ ಮರೆತು ಹೇಗಿರಲಿ ನಾನು. ಈ ನಿಶಿ ನಿರಾಮಯತೆಯಲ್ಲಿ ಎದೆ ಚಾಚಿದ ಕೈಗೆ ಸಿಕ್ಕಂತೆ, ಕಣ್ಣು ತುಂಬಿಸುವೆ ಜಲಧಿ ಎದ್ದಂತೆ. ಚಾಚಿದಷ್ಟು ದೂರ, ಇನ್ನು ದೂರ. ಇನ್ನೂ ಚಾಚುತ್ತೇನೆ, ಸಿಕ್ಕುಬಿಡುವೆಯೆಂಬ ಭಯದಲ್ಲಿ. ಇಲ್ಲಿದ್ದು ಎಲ್ಲೆಲ್ಲೂ ಅರಳುವೆ, ಸುರ ಸುರಭಿ ಘಮಘಮಿಸಿ. ನಾನು ಕೈ ಚಾಚುತ್ತಲೇ ಇರುತ್ತೇನೆ, ನೀನು ಸಿಗದಂತಿರು, ಈ ಹಂಬಲದಲ್ಲೆ ಸುಖವಿದೆ.

Continue reading →

ಕುಂಕುಮ ಮೆತ್ತಿದ ಕುಂಬಳಕಾಯಿ, ನಿಂಬೆಹಣ್ಣುಗಳ ಹಿಂದಿದೆ ನಂಬಿಕೆಯ ಮಹಾಶಕ್ತಿ

ಮೊನ್ನೆ ಸ್ನೇಹಿತೆಯೊಬ್ಬರ ಮನೆಗೆ ಹೋಗಿದ್ದೆವು. ಬೆಂಗಳೂರಿನ ಪ್ರತಿಷ್ಠಿತ ಆಸ್ಪತ್ರೆಯೊಂದರಲ್ಲಿ ಅರವಳಿಕೆ ತಜ್ಞೆಯಾಗಿರುವ ಆಕೆಗೊಂದು ಸಮಸ್ಯೆ ಇದೆ.

ಹಗಲು-ರಾತ್ರಿ ಎರಡು ಮೂರು ದಿನ ನಿರಂತರ ಕೆಲಸ ಮಾಡುವ ಆಕೆ ಡ್ಯೂಟಿ ಮುಗಿಸಿ ಪ್ಲ್ಯಾಟಿಗೆ ಬಂದ ತಕ್ಷಣ ಶುರುವಾಗುವ ಭಯ ದೆವ್ವಗಳದ್ದು. ಗಂಡ ಹೆಂಡತಿ ಬೇರೆ ಬೇರೆ ಪಾಳಿಗಳಲ್ಲಿ ಕೆಲಸ ಮಾಡುವ ದಿನಗಳಲ್ಲಿ ಆಕೆ ಒಂಟಿಯಾಗಿರಬೇಕು.

‘ಆಕೆಯ ಔಷಧಿ ಹೆಚ್ಚುಕಡಿಮೆಯಾಗಿ ಎಷ್ಟು ಜನ ಸತ್ತಿರುತ್ತಾರೋ, ಅವರೆಲ್ಲ ಎಲ್ಲಿ ದೆವ್ವಗಳಾಗಿ ಅಪಾರ್ಟ್‌ಮೆಂಟ್ ಒಳಗೆ ಬಂದುಬಿಡುತ್ತವೋ ಎಂಬ ಭಯ ಆಕೆಗೆ’ ಎಂದು ಮರಳಿ ಬರುವಾಗ ನಾವು ನಗೆಯಲ್ಲಿ ಮಾತನಾಡಿಕೊಂಡೆವು.

Continue reading →

ಪದ್ಮಪಾದ ಮತ್ತು ಬರಹಗಾರರ ಸ್ಪೂರ್ತಿಯ ರಹಸ್ಯ

ಸಾಹಿತಿಗಳು, ಕವಿಗಳು ತಮಗೆ ದೈವಿಕ ಸ್ಪೂರ್ತಿ ದೊರೆಯುತ್ತದೆ, ಹಾಗಾಗಿ ಶ್ರೇಷ್ಟವಾದದ್ದನ್ನು ರಚಿಸುತ್ತೇವೆ (ಹಾಗಾಗಿ ನಾವು ಶ್ರೇಷ್ಟರು?!) ಅನ್ನುತ್ತಾರೆ. ಇಲ್ಲ ಅಂತದ್ದೇನಿಲ್ಲ, ಎಲ್ಲಾ ರೀತಿಯ ಸೃಜನಶೀಲತೆಯೂ ಮನುಷ್ಯಪ್ರಯತ್ನದಿಂದ ಸಾಧ್ಯವಾಗುತ್ತದೆ – ಕತ್ತಿ ಮಸೆಯುವುದಕ್ಕೂ, ಕವಿತೆ ಹೊಸೆಯುವುದಕ್ಕೂ ಅಷ್ಟೇ ಚಾತುರ್ಯ ಬೇಕಾಗುತ್ತದೆ – ಅದು ಚಾತುರ್ಯ ಅಷ್ಟೇ ಅಂತ ಇತರರು ವಾದ ಮಾಡುತ್ತಾರೆ. ಆದರೆ ಅನೇಕ ವಿಜ್ಞಾನಿಗಳು, ಸಂಶೋಧಕರು ಕೂಡಾ ತಾವು ಪ್ರಯತ್ನದ ತುತ್ತತುದಿಯೇರಿಯೂ ಸಫಲತೆಯನ್ನು ಪಡೆಯದೇ ನಿಂತಿದ್ದಾಗ, ಯಾವುದೋ ಕೈ ತಮ್ಮನ್ನು ಹಿಡಿದೆತ್ತಿತು ಅನ್ನುವುದನ್ನು ಹೇಳಿದ್ದಾರೆ. ಸುಮ್ಮನೇ ಒಂದಷ್ಟು…

Continue reading →

ಬರಹಗಾರರನ್ನು ಕಾಡುವ ಮೂರು ಪ್ರಮುಖ ಪ್ರಶ್ನೆಗಳು ಮತ್ತು ಅವುಗಳನ್ನು ಪರಿಹರಿಸಿಕೊಳ್ಳುವ ಬಗೆ

ಒಂದು ಮರಳುಗೂಡನ್ನು ಹೇಗೆ ಬೇಕಾದರೂ ಮಾಡಬಹುದು, ಅದು ನಿಮ್ಮಿಷ್ಟ. ಆದರೆ ಒಂದು ಕಲಾಕೃತಿಯ ಅಥವಾ ಒಂದು ಉತ್ಪನ್ನದ ವಿಚಾರಕ್ಕೆ ಬಂದರೆ ಅದನ್ನು ಮಾಡಿದ ತಕ್ಷಣ ಕೆಲಸ ಮುಗಿಯುವುದಿಲ್ಲ. ಅದು ಇತರರಿಗೆ ಇಷ್ಟವಾಗಬೇಕು. ಇಷ್ಟವಾಗುತ್ತದೆಯೋ ಇಲ್ಲವೋ ಎಂಬ ಪ್ರಶ್ನೆಯನ್ನು ಮೀರುವುದು ಒಂದು ಸವಾಲು. ಬರಹಗಾರರಿಗೆ ಕೂಡಾ ಇಂತಹ ಅನೇಕ ಪ್ರಶ್ನೆಗಳಿವೆ. ಇಲ್ಲಿ ಮೂರು ಪ್ರಶ್ನೆಗಳ ಕುರಿತು ಬರೆದಿದ್ದೇನೆ. ಓದಿ, ನಿಮ್ಮ ವಿಚಾರ ಹಂಚಿಕೊಳ್ಳಿ.   ೧. ನಾನೀಗ ಬರೆಯುತ್ತಿರುವುದು ಏನೂ ಉಪಯುಕ್ತ ಅನ್ನಿಸುತ್ತಿಲ್ಲ ನಿಮ್ಮ ಬರವಣಿಗೆಯನ್ನು ಪ್ರಾರಂಭಿಸುತ್ತಿದ್ದಂತೆ, ಅಥವಾ…

Continue reading →

ಬುದ್ಧಿವಂತರಾದವರು ತಮ್ಮ ಕಾರ್ಯದ ಫಲಿತಾಂಶದ ಕುರಿತು ಏಕೆ ಚಿಂತಿಸುವುದಿಲ್ಲ ಗೊತ್ತೇ?

Source: deviantart ಬುದ್ಧಿಯುಕ್ತೋ ಜಹಾತೀಹ ಉಭೇ ಸುಕೃತದುಷ್ಕೃತೇ। ತಸ್ಮಾದ್ಯೋಗಾಯ ಯುಜ್ಯಸ್ವ ಯೋಗಃ ಕರ್ಮಸು ಕೌಶಲಮ್॥ ॥೫೦॥ (ಅರ್ಥ – ಬುದ್ಧಿವಂತನಾದ ಪುರುಷನು ತನ್ನ ಕರ್ಮದಿಂದ ಹುಟ್ಟುವ ಪುಣ್ಯ ಮತ್ತು ಪಾಪಗಳೆರಡನ್ನೂ ತ್ಯಜಿಸುತ್ತಾನೆ ಮತ್ತು ಕೇವಲ ತನ್ನ ಕರ್ಮದಲ್ಲಿ ಮನಸ್ಸಿಡುತ್ತಾನೆ. ಈ ಕರ್ಮಕೌಶಲವೇ ಯೋಗ.) ಈ ಶ್ಲೋಕವನ್ನು ಬಹಳ ಸರಳ ಉದಾಹರಣೆಯಿಂದ ವಿವರಿಸಬೇಕೆಂದರೆ, ಕೆರೆ ನೀರಿನಲ್ಲಿ ಒಂದು ಕಲ್ಲು ಎಸೆದಾಗ ಅಲೆಗಳೇಳುತ್ತವೆ. ನಾವು ಕಲ್ಲಿನ ಗಾತ್ರ, ತೂಕ ಮತ್ತು ಎಸೆಯುವ ವೇಗವನ್ನು ನಿಯಂತ್ರಿಸಬಹುದೇ ಹೊರತೂ ಕಲ್ಲು ನೀರಿನಲ್ಲಿ ಬಿದ್ದ ನಂತರದಲ್ಲಿ…

Continue reading →

ನಮ್ಮ ಪ್ರತಿಕ್ರಿಯಾಶೀಲತೆ ನಮ್ಮ ಸೃಜನಶೀಲತೆಯನ್ನು ಕೊಲ್ಲುತ್ತಿದೆಯೇ?

ಸಾಮಾಜಿಕ ಮಾಧ್ಯಮಗಳು ಈಗಂತೂ ಒಂದು ದೊಡ್ಡ ಶಕ್ತಿಯ ಕೇಂದ್ರಗಳಾಗಿವೆ. ಜಾಲತಾಣಿಗರು ಒಂದು ವಿಚಾರವನ್ನು ಕೈಗೆತ್ತಿಕೊಂಡರೆ ಅದು ಎಂತೆಂತಹ ಸಾಮಾಜಿಕ ಪರಿಣಾಮಗಳಿಗೆ ಈಡಾಗಬಹುದೋ ಊಹಿಸಲು ಸಾಧ್ಯವಿಲ್ಲ. ಈ ಹೊಸ ಮಾಧ್ಯಮದಿಂದಾಗಿ ಈಜಿಪ್ಟಿನಲ್ಲಿ ಒಂದು ಕ್ರಾಂತಿಯೇ ನಡೆದುಹೋಯಿತು. ಇತ್ತೀಚೆಗೆ ನಮ್ಮಲ್ಲಿಯೇ ಫೇಸ್‌ಬುಕ್‌ನ ಮೋಸದಬಲೆ ಫ್ರೀ-ಬೇಸಿಕ್ಸ್ ಅನ್ನು ಬೆಂಬಲಿಸಿದ ಪ್ಲಿಪ್‌ಕಾರ್ಟ್ ವಿರುದ್ಧವಾಗಲೀ, ‘ದೇಶ ಅಸಹಿಷ್ಣುವಾಗಿದೆ’ ಎಂದ ಆಮಿರ್ ಖಾನ್ ಪ್ರತಿನಿಧಿಸುತ್ತಿದ್ದ ಸ್ನ್ಯಾಪ್‌ಡೀಲ್ ವಿರುದ್ಧವಾಗಲೀ ಟ್ವಿಟರ್ ಬಳಕೆದಾರರು ವ್ಯಕ್ತಪಡಿಸಿದ ವಿರೋಧ ಈ ಮಾಧ್ಯಮಗಳ ಸಾಮರ್ಥ್ಯವನ್ನು ತೋರಿಸುತ್ತದೆ. ಆದರೆ, ಟ್ವಿಟರ್‌ನಲ್ಲಿ ಟ್ರೆಂಡ್ ಆಗುವ ಸುದ್ದಿಗಳನ್ನು…

Continue reading →

ನೀವೂ ನಾಯಕರಾಗಬೇಕೆ? ಇದೊಂದೇ ಸುಲಭ ಸೂತ್ರ ಸಾಕು

ನಾಯಕನಾಗುವುದು ಹೇಗೆ ಎಂಬುದು ಬಹುಶಃ ನಮ್ಮೆಲ್ಲರ ಪ್ರಶ್ನೆ. ನಾಯಕತ್ವ ಅನ್ನುವುದು ಸುಲಭವಲ್ಲ. ನಾಯಕನೆಂದರೆ ಕೇವಲ ರಾಜಕೀಯಕ್ಕೆ, ಆಫೀಸಿನ ಬಾಸ್ ಆಗುವುದಕ್ಕೆ ಸಂಬಂಧಿಸಿದ ವಿಷಯವಲ್ಲ, ಮನೆಯ ಯಜಮಾನನಾಗುವುದೂ ಒಂದು ಸವಾಲಿನ ಕೆಲಸವೇ. ಒಂದು ತಂಡಕ್ಕೆ ನಾಯಕನಾಗುವುದೆಂದರೆ – ಅಲ್ಲಿ ಅನೇಕ ಮನಸ್ಸುಗಳಿರುತ್ತವೆ, ಅನೇಕ ರೀತಿಯ ಆಲೋಚನೆಗಳಿರುತ್ತವೆ, ಅನೇಕ ರೀತಿಯ ಆಸೆ-ಆಕಾಂಕ್ಷೆಗಳಿರುತ್ತವೆ – ಅವುಗಳನ್ನೆಲ್ಲ ಹೇಗೆ ನಿಭಾಯಿಸಬೇಕು ಎನ್ನುವುದು ಬಹುಮುಖ್ಯ ಪ್ರಶ್ನೆ. ಅದಕ್ಕಾಗಿ ಹೊಸದೊಂದು ಮನಸ್ಥಿತಿಯನ್ನೇ ನಮ್ಮದಾಗಿಸಿಕೊಳ್ಳಬೇಕಾಗುತ್ತದೆ. ಆದರೆ, ’ನಾಯಕನಾಗುವುದು ಹೇಗೆ’ ಅನ್ನುವುದು ಒಂದು ಅರ್ಥಹೀನ ಪ್ರಶ್ನೆ. ಏಕೆಂದರೆ, ನಾಯಕನಾಗುವುದು…

Continue reading →